يدبر الامر :)

لما مرت عليا الآيه الكريمه " يدبر الأمر " اقعدت افكر فيها يعنى ايه " يدبر " دى 
لاقيت انى لما بقول لابويا او امى حاجه مثلا انا عيزاه يقولولى " حندبرلك" يعنى بتاعتنا خلاص شليها من دماغك 

ما بالك وانا بقول للى خالق الكون " الله " دبرى لى امر

ى فأنا لا احسن التدبير

يعنى لازم اشيل الحاجه دى من دماغى واقول بيقين وثبات" يارب دبر الامر فأنت المدبر " ولكن شيطانى أنسانى فاجعل اللهم تدبيرك يغنينى عن التفكير فى كيفيه التدبير والقى فى قلبى يقينا يفوق ما ينسينى به شيطانى

الحمد لله 

Spirit

I love this Cartoon 

I love it's looking & Insistence too ! 

حنين !

تعطى الذكريات فى بعض الاوقات حنين والحنين قد يعطى أمل والامل يحتاج يقين وثبات ...والثبات من الله 

فأفرغ اللهم ثباتنا يفوق ذلك الحنين حتى يكون الامل يقينا :) 

لخبطة !

أكيد فى حل وأكيد فى أخر وأكيد فى حاجه بس هى ايه مش عارفه ...كل اللى عرفاه هو اليقين انه مش حيخذلنى ولا حيسبنى 


هو لسه بيفكر ولا لسه بيفكر ولا لسه بيفكر !! سؤال نفسى اساله واقوله حتاخد خطوة امتى ؟


لحد امتى حنفضل نتفرج وساكتين لحد امتى حنفضل منتظرين حد هو اللى يزقنا ..زقيت انا ودلوقتى انا مبقتش موجوده طيب ايه العمل ؟ 

اكيد شكل السحاب حلو والاجمل لما نطلع منه اشكال ....بعرف اطلع منه اشكال انا !

.  .... .  وبس . 

البغبغان !!

البغبغان طائر حلو اوى بنحبه اوى وشغلته انه يردد الكلام حلو اوى من اى حد ولاى حد .... وصف شخصيه عرفتها ولما عرفتها لاقيت انها بغبغان !!!

صدق اللى قال البغبغان غلباوى بنص لسان !!!

آخر العنقود

إلى آخر العنقود : ليس من يقف صلبا دائما قوى فوراء الصلابه تختفى تقاسيم الضعف والهوان وأحيانا نهر من الدموع لا تترائى أما الاعين فقد أخذت ان تراه صلابا وعليه أن يكمل فيرفع باكيا لله فهو الوحيد القوى والمستعان :)

قالت لى فقدت طفلى قلت لها تحسسى أماكنه معكِ فلطالما حملت تلك الاماكن  ذكرى

كبر الصبى وقرر الرحيل والسفر . كبر من حملته بين ذراعى طفلا ، كبر من تقاسمت معه ومع أخى الحبيب ذكريات الطفولة وحينما كبر قرر ان يسافر ليعمل ويفارقنى هو الاخر ! أدعو الله له ان يوفقه ويسدد خطاه ويحميه من نفسه واهوائها قبل ان يحميه من رفقاء السوء ....ربى صبرنى على فراق أحبتى .

قالت لى تحقق منامى ..قلت لها أعرف ..قالت لى تحقق منامى .. قلت لها أعرف .. قلت لى والاخر ؟ قلت لها سيتحقق هو الآخر فقط إصبرى وأحتسبى فلن يكون فى كون الله الا ما أراد .

سأظل أدعو ان تنكشف الغمه ويظهر الحق فمن أفترى بهتانا سيُرد فى نحره فربى يعلم خائنه الاعين وما تخفى الصدور .

ربى إن هذا فعلى فيما أملك فلا تؤاخذنى فيما تملك ولا أملك ... سأظل واقفه بالباب عسى ان يفتح لى .

من غير عنوان

قالت لى أحترقت .... قلت لها تحملى
قالت لى دعوت ... قلت لها تيقنى
قالت لى الفراق ... قلت لها أصبرى

لا تحسبوا رقصي بينكم طربا *** فالطير يرقص مذبوحا من الألم

 

Sorry

 

ومضات

بالأمس أتممت عامى التاسع والعشرين تُرى هل حققت ما خُلقت من أجله أم مازال الامر ساعيا فى دروب الحياة ؟؟

أحمل بداخلى  كما هائلا من المشاعر الايجابية مصحوبه بمومضات سلبيه .. حاولت جاهدة أن أتخاطها ولكنها مازلت تومض بداخلى .

أمنت بأن الذكريات تتجزء وتتقسم فمنه من تستطيع ان تشرك من حولك فيه ومنه من لا تستطيع ان تشرك حتى نفسك فيه !!

نصحتنى نصيحه الأخت أن أكف عن بحثى عن المدينه الفاضله ، وقالت لى متهكمه أعرفك جيدا تبحثين عن التمام فى كل الامور أفيقى فأحدى الامرين أن تصابى بالجنون أو تنقطع صلتك بمن حولك  :)

أراه فى عينى طفلا صغيرا يفتقد الى الحنان والتدليل وأثناء الحديث أجده صاحب عقل وأثناء المواجهه أجده كالتنين يُلهب بالنار حتى أكاد أحترق من شدة وواقع الكلمات .... تٌرى كيف يرانى بعينيه .

أممكن أن أختبىء بداخله .. أسيكفينى ؟؟ امخاوف هى أم تساؤلات

إشتقت الى ربى ...ربى أدبنى فمازلت أحتاج الى التربيه ..ربى علمنى فمازلت أحتاج الى العلم .. ربى أعطنى صبرا على معامله الناس فقدت توقعت أن ارى اما ثانية واخت لم أحصل عليها من أبى وأمى .. أهيهات هى ام خطوات عليا ان اتخذها ...بصرنى ربى

خواطر سريعة

1. خد شيل معايا شوية الولد تعب كتفى .... هو أنا قادر أشيل نفسى لما أشيله .. حوار دار بين زوجين مروا قدامى ...سألت نفسى وهى الام لما شالت الطفل 9 شهور فى أحشائها مشتكش ليه ؟؟؟ كان نفسى أقوله "رفقا بالقوارير"
2. " تفكير الانسان يبدأ من راحة قدميه" أول جمله قالها الدكتور فى محاضرة الادارة الاستراتيجية فى كليه تجارة انجليزى .. مفهتمش معناها غير بعد ما اتخرجت ولبست كوتشى مريح :)
3. تغيير وشقلبه الكلام آفه فى البشر .... افتكرت ساعتها قول الحبيب صل الله عليه وسلم " فليقل خيرا أو ليصمت "
4. سعادة لا توصف وانت بتقابل إنسان بيحول احلامه لحقائق ساعتها بتزيد اصرار على تحقيق أحلامك ... بدعيله ان ربنا يحققه احلامه ويعلمنا منه :)
5. الثانوية العامة .. بسأل نفسى السؤال دا وانا شايفه بتنا متشقلب لمجرد ان فيه طالب ثانويه عامه وبقول امال محستش ليه انى كنت ثانوية عامه فى يوم من الايام ؟؟؟
6. كتر الخناق بضيع الذكريات الحلوة بين الناس ... حافظ على ذكرياتك كويس اوى لان ممكن متلقهاش قدام !!!
7. انا مش بذاكر ... أنا مش فاهم ... انا حسقط ..كلمات بيقولها دحيحه المذاكرة فى مسعى للضحك على عقول المحيطين ....ربنا يكفينا شرهم ...خلاصه عرفتها الماجيستير !!

أنا والشيكولاتة :)

فجأة وبدون أى مقدمات ما بقتش أكل شيكولاتة  بأمر الطبيب  ومعاها شوية حاجات تانيه .... بقالى اكتر من شهرين مش باكل شيكولاتة .... وبعدى عليها وأقول امتى بقى اكل شيكولاتة :)

سبحان الله اى حد يعزنى يجبلى شيكولاتة .. لما اكون مبسوطة اكل شيكولاتة ... لما اكون عايزه ابسط حد أكل معاه شيكولاتة .... دلوقتى بيتعزم عليا بالشيكولاتة وبقول لأ :)  كان قبل كدا طبعا آه

سبحانك ربى ... لما اقعدت افكر لاقيت انه اختبار من وجهه نظرى المتواضعه .. حاجة قدامك وممكن تجبها ومتقدرش تمد ايدك عليها يا حتتعبك فقلت فى بالى ما بالك باللى بيبص على الاكل وهو مش معاه يجيبه او بيبص على لبس وهو بيتمنى يلبسه او بيدور على فلوس يجمعها عشان يدفع فلوس عملية ... أو  اى حاجة تانيه بالنسبه ليه مهمه

ولاقيت نفسى بقول اللهم ان زويت عنى ما احب فأجعله قوة لى فيما تحب :)

وبرضه حفضل مستنيه اليوم اللى حاكل فيه شيكولاتى الزرقاء . ان مكنش هنا يبقى هناك عند ربى .



واضح

واضح انى ركزت بزيادة 
واضح انى سبقت بخطوات 
واضح انى كبرت المساحة بزيادة
واضح انى انشغلت اوى عنه بغيره
ربى سامحنى فطالما رددت اللهم أشغلنى بما خلقتنى له ولا تشغلنى بما خلقته لى 

الام وبناتها الثلاثة ... كتبتها منذ 3 سنوات !!!

أمبارح بعد صلاة العصر كدا بحوالى ساعة ونص نزلت مع صحبتى ليا عشان نشترى شوية حاجات .. المهم وأنا فى الطريق لبيتها عشان أعدى عليها كانت واقفة ام مستنيه اولادها .. ثلاثه بنات من اجمل ما خلق ربى وهم بيجروا على مامتهم .. وأد أيه كانت أبتسامة الأم جميلة أول ما بنتها جت ناحيتها ووراها باقى أخواتها ....








كنت ماشية وراهم ... الأم فى النص وبنت فى الناحية اليمين والبنتين التانين فى الناحية الشمال .. ومن صوتهم العالى عرفت ان فى مفاوضات جارية عشان عايزين يروحوا النادى وتقريبا البنت الصغيره خالص هى اللى كانت متمسكه بموضوع النادى أوى اوى .. ولا صوتها العالى أول ما اخدت الموافقه أنهم حيروحوا النادى ...... هييييييييييييييييه حنروح النادى ...هيييييييييييييييه حنروح النادى .. أما البنت الى اشك انها الوسطى كانت بتتكلم عن شقه حد من قاريبهم وأد ايه هى صغيره ... وبتقارنها بشقتهم الواسعه ... اما البنت الكبيره فكلامها قليل ولما اتكلمت وجهت كلامها لمامتها على طول .. عارفه يا ماما ... بس اذا جبنا زرع زى طنط .... < مش فاكرة الأسم > وعملاناه بطريقه زى الزجزاج على السلم وكمان فى الطرقه عارفه يا ماما شقتنا حتكون زى الفيلا تمام ....






لحد هنا وانا سبت الطريق لانى كنت قربت من بيت صحبتى .. بس لاقيت نفسى بفكر فى هدوم البنات اللى كلها الوان حلوه ... واد أيه الوانها مفرحه ... واد ايه مامتهم ليها ثواب كبير عند الله سبحانه وتعالى لتربيتها ثلاثه من البنات واد ايه الرسول الكريم صلى الله عليه وسلم أثنى على الاب اللى ربنا يرزقه بثلاثه بنات او اتنين واحسن تربتهم تمام وكاد الرسول ان يقول حتى اذا كانت بنت واحدة






خلانى أفكر ان ازاى البنات هما القوى المؤثرة بطريقة خفيه فى احوالنا جميعاً .. وأن لازم اى بنت مسلمة عن حق تكون فخوره انه ربنا جل شأنه خلاقها بنت ... فى أيدها مستقبل ناس كتير اوى اوى






فكرت ساعتها اد ايه البنت فنانة بطبعها ... أد أيه هى بتبص للامور من المنظر الحلو .. زى البنت الكبيره اللى بتفكر تجيب زرع عشان تزين بيتها


وفرحت اكتر برد الام اللى كان كله حنيه وتشجيع ... معملتش زى الامهات اللى بتحاول تنسى انه عندها بنت يعنى عندها كنز من غير ما تعرف ممكن تدخل بيه الجنه .... لأ دا ممكن الفردوس الاعلى .. إذا فكرت بس كويس فى بنتها ومعاها


وامتعنت عن الأفكار اللى كتير من الأمهات بتبثها فى تفكير بناتها بطريقه غير مباشرة وبتخليها تتعامل مع الولد كأنه ند ليها فى الحياة .. مش أنهم قطبين لازم بالفطرة السليمه يحصل بينهم إنجذاب عشان يكملوا بعض ويحققوا خلافه الله فى الأرض


ياه ... أفكار كتير أوى جت فى تفكيرى ... بس لاقيت نفسى وأنا طالعة السلم لبيت صحبتى بتمنى من ربى إنه يكرمنى ببنت ويعنى على تربيتها J


ربى من باب فضلك العظيم أسالك ان ترزقنى بنتا فى براءة عائشه ونقاء مريم وموءازره خديجة وشهامه سمية رضى الله عليهن جميعاً
 

أبى

أعلم تماما ان أبى لن يرى كلماتى اليوم ولا فى المستقبل لان ليس له علاقه مباشرة أو غير مباشرة بعالم الكمبيوتر والأنترنت 

لكن ما جالى بخاطرى هو أحساسى بالأمان لوجوده فى حياتى الان .. على الرغم من عدم عمق صداقاتنا واختلافنا كثيرا فى وجهات النظر ومنظورنا للاشياء .. لكن أوجعنى أن أره يتألم فى صمت رهيب ومحاولة أن يبدو قويا أمامى وأمام أمى وأخى 

أوجعنى أن اسمع صوت الاه   صادرة من أعماقه وهو دائما يتحمل ويتحمل دون أن يكل و أن يمل 

حينما كنت بقربه تأملت لأول مرة خطوط الزمن فى ملامح وجهه رأيت كم هو حمول كالجمل فى صبر شديد ورضى 

كنت اتحدث معه منذ فترة عن موقف مر بى فى حياتى فرأيته يقول لى " اللى ميعجبكيش ارميه عليا ومتخفيش طول ما انت مع ربنا متخفيش"

أحسست ساعتها ان ابى فى ظهرى وان السنوات اللى مضت دون محاولتى أن اخذ خطوة للاقتراب منه ضاعت من عمرى 

أبى أسال الله أن يتم شفائك على خيرا 

أبى أسال الله لك الرضا 

أبى أسال الله لك السعادة التى تتمناها 

أبى لا تغضب منى فعنفوان شبابى سبق رؤيتى للأشياء 

أحبك أبى 

:) 

When Our dreams come true

احتباس !!

أكثر ما يوجعنى أن تحتبس الكلمات فى صدرى فلا أجد لها مخرج وتخنق ضلوعى تلك التنهيدة  ناطقة معها لا حول ولا قوة إلا بالله 

ساعتها أعلم ان هناك بركانا يتدفق فى داخلى كلما اقترب للفوهه .. صمت  وسكت  وأحتبس 

آه على تلك الاحتباسة 

آه على ذلك الصمت 

آه على السكوت الذى أعرف واقع كلماته 

إليك المشتكى يارب 

New Feeling

I have New Feeling i don't know it's source or even from where it comes .. But I have it in my depth 

ربى اعنى ولا تُعن عليا 

ربى اكفنى شر ما أخشى 

ربى لا تكلنى لنفسى طرفة عين فأضيع 

ربى ثبت رجائك فى قلبى حتى لا أرجو الا إياك 

ربى اجعل عملى طاعة لك وصمتى عبادة فيك ورجائى للوصول لك 

ربى كن عضدى ونصيرى فبك أصول وبك اجول وبك اواجه نفسى 

ربى انت أعلم بنفسى منى فاجعلها كما تحب وترضى 

ربى انت الودود ..الحنان المنان..الحى القيوم ..استعن بحولك وقوتك فلا حول لى ولا قوة الا بك أن تيسر لى من أمرى وتشرح لى من صدرى وتحلل العقدة من لسانى يفقهوا قولى .

أحبك ربى 

أغتيال فرحة

- اليومين الماضيين اغتال الهم فرحتى بصديقتى واختى فى الله أوجعنى ان ارى ابتسامتها شاحبه وصوتها معبأ بالألم فكم رأيت نفسى فيها وكم أحسست اننا نمر بنفس الظروف والمواقف تباعا 


- الاحلام تتكسر !! 


- أصبحت والصبر رفيقان فى طريق واحد .


- دعوت الله كثير ومازلت ان من اغتال حُلمى وأوجعنى يوجعه الله فى نفس الموضع ... حاولت العفو ولكنى لم أستطع .. أنا بشر !


- دائما فى أحلك المواقف ابتسم فظنى بربى خيرا ويقينى به صدقا