الكتاب المكنون والعربيات !!!!

النهارده كنت فى الطريق وفجأه لاقيت عربية بتعدى جنبى فارههه ما شاء الله .. اللى لفت انتباهى المصفح اللى محطوط على تبلوه العربيه وعليه تراب والغلاف بتاعه سايب ( كان لونه نبيتى ) 
المصحف وجعنى منظره الصراحه .. وخلانى اركز فى العربيات اللى عديت جنبى  وعدتهم تقريبا مثلا 20 إلى 25 عربية فيهم مصحف !!
مكانه يا على تابلون العربيه يا فى ظهر الكنبه من ورا .. وفى اللى حط مصحف صغير واللى حط مصحف كبير واللى فى علبه واللى معلقه 
قلت ياه فى عقل بالى هو ده الكتاب المكنون ؟؟؟ 
اللى المفروض نقرأ فيه ومنهجروش ... طيب ايه سبب المصحف اللى فى العربيه ؟؟؟
بصيت فى عربيه صحبتى لاقيت مافيهاش مصحف .. فرحت الصراحه فبقولها مصحفك فين قالتلى فى شنطتى بقولها طيب والعربيه مش لازم يبقى فيها مصحف :) 
وبدأنا نتكلم حوالين ظاهره المصاحف اللى فى العربيات ومش فى  صدورنا ولا فى عقولنا او حتى فى شنطتنا .. وان البنات دلوقتى احسن شنطه فيها محفظه وماكياج وخلافه
حسب رأى المتواضح ان الناس بتحط المصحف بركة فى العربيه وأستأناس ان القرآن الكريم فى عربيتك ... طيب ما هو الحرامى  لا قدر الله لما بيجى يسرق العربيه حيسرقها والمصحف فيها او ممكن ياخد اللى عاوزه والمصحف برضه موجود !!!
ساعتها لاقيت كلمات الحبيب بترد عليا ان ربنا هو الصاحب والحارس الأمين على المال والاهل والولد ... أستئمن ربك وتيقن وانت بتركب عربيتك او حتى بتسبها ان ربنا الحارس مش المصحف :)